Almatyda jaýyn-shashyn saldarynan jol apaty boldy
NUR-SULTAN. QazAqparat – Qolaısyz aýa raıy saldarynan Almaty qalasynyń Shyǵys aınalma avtomobıl jolynda 10-nan astam avtokólik soqtyǵysty, dep habarlaıdy QazAqparat tilshisi.
«Kóktaıǵaq, araqashyqtyqty saqtamaý jáne jyldamdyq rejımin buzýdyń sońy birneshe jol-kólik apatyna alyp keldi. Kólik júrgizýshisi róldi basqara almaı, qorshaýdy soqty. Odan keıin kele jatqan kólik ıeleri kóktaıǵaq saldarynan tejeýishti basyp úlgermegen. Jol-kólik oqıǵasynan eshkim zardap shekken joq», - dep habarlady qalalyq polıtsııa departamentiniń baspasóz qyzmeti.
Qazir qalalyq polıtsııa departamenti atalǵan faktiniń mán-jaıyn anyqtaý ústinde.
«Oqıǵa ornyna kelgen jedel járdem kólik júrgizýshileriniń biriniń jaǵdaıyn baqylap otyr. Oǵan alǵashqy kómek kórsetildi. Zardap shekken adamdy aýrýhanaǵa jatqyzýdyń qajeti joq»», - deıdi vedomstvodan.
