Almatyda jaýyn-shashyn saldaryn joıý jumystary jalǵasýda (FOTO)
ALMATY. QazAqparat - Almatyda «109» Qutqarý qyzmetiniń qutqarýshylary sońǵy eki táýlikten beri tolassyz jaýǵan jańbyrdyń saldaryn joıýǵa kúsh salýda. Qazir bul jumystarǵa aýdandyq ákimdikter, kommýnaldyq qyzmetter jáne basqa da memlekettik organdar kómek kórsetip jatyr.
«Almaty qalasynyń qutqarý qyzmeti» memlekettik mekemesiniń habarlaýynsha, qazir «Shańyraq-2» jáne «Ójet» yqsham aýdandary, sondaı-aq, Letnıaıa, Temeki zaýyty, Angarskaıa jáne basqa da birqatar kóshelerde jınalyp qalǵan kólshik sýlardy sýsorǵyshpen tartyp, aryqtar men ózenderge quıý jumystary júrgizilip jatyr. Odan basqa, jaýyn-shashyn saldarynan sý basýy múmkin turǵyn úıler men qoralar qum salynǵan qaptarmen nyǵaıtylýda.
Sondaı-aq, qutqarýshylar Esentaı ózenine qulap, sý arnasyn bekitip tastaǵan aǵashty kesip alyp tastady.
Qazirgi sátte «109» pýltine turǵyndar tarapynan jaýyn-shashyn saldarynan turǵyn úılerge, avtokólikterge, joldarǵa qulaǵan aǵashtar jaıynda habarlar túsip jatyr. Sondyqtan, qalada qutqarý operatsııalaryna «109» qyzmetiniń jeke quramynan 50-den astam qyzmetkeri jumyldyrylǵan. Sondaı-aq, bul jumystarǵa 27 tehnıka qoldanylyp jatyr. Olardyń ishinde aýyr ınjenerlik tehnıka da bar.
