Almatyda jaýǵan jaýynnyń arty kóktaıǵaqqa ulasty
ALMATY. QazAqparat - Almaty qalalyq Jasyl ekonomıka basqarmasy kóktaıǵaqqa baılanysty júrgizýshilerge jeke kóligin paıdalanbaýǵa keńes berdi, dep habarlaıdy QazAqparat tilshisi.
Almatyda tańǵy saǵat 7-den sebelep jaýǵan jaýyn túske taman qatqaqqa aınalyp, kóktaıǵaqqa ulasty. Al taýly aımaqta qar jaýyp jatyr. Jol boıyndaǵy trotýarlarmen júrý qıyndaı tústi.
«Avtomobıl ıelerine jeke kólikterin úılerine qaldyryp, qoǵamdyq kólikke otyrýǵa keńes berildi. Qajettilik týǵan jaǵdaıda jyldamdyqty azaıtýdy umytpaýdy eskertemiz»,- dedi basqarmadan.
Tótenshe jaǵdaıǵa baılanysty qalalyq kommýnaldyq qyzmetter təýlik boıy kezekshilik uıymdastyrdy.
