Almatyda jataqhana órtendi: 301 adam qaýipsiz jerge shyǵaryldy
ALMATY. QazAqparat - Almatyda kolledj jataqhanasy órtenip, ondaǵy 301 adam qaýipsiz jerge shyǵaryldy. Bul týraly qalalyq TJD-nyń baspasóz hatshysy Sandýǵash Baımuhambetova habarlady.
Bostandyq aýdanynda ornalasqan Respýblıkalyq sport kolledjiniń órtenip jatqany týraly habarlama tańǵy 4:25-te túsken.
Órt sóndirýshiler AL-37 avtobaspaldaǵymen terezelerdan adamdardy shuǵyl shyǵarýǵa kirisken. Órt oshaǵyn anyqtaýǵa qabattardaǵy qalyń tútin kedergi boldy. Barlyǵy 301 adam qaýipsiz jerge kóshirildi.
Tilsiz jaý 10 sharshy metrdi sharpyǵan. Qyzyl jalyn tańǵy 4:56-da aýyzdyqtalyp, 5:06-da tolyq sóndirildi.
