Almatyda jasyryn jumys istep kelgen eki massaj salony anyqtaldy
ALMATY. QazAqparat –Almaty polıtsııasy jasyryn jumys istep kelgen taǵy eki massaj salonyn anyqtady, dep habarlaıdy QazAqparat tilshisi.
Almaty qalalyq PD baspasóz qyzmetiniń habarlaýynsha, Medeý aýdanynda ornalasqan salonda erotıkalyq massaj qyzmetin 7 boıjetken usynǵan. Sonymen qatar, jumysshylardyń sol jerde turatyndyǵy belgili boldy.
Osyǵan uqsas taǵy bir epızod Bostandyq aýdanynda anyqtaldy. Massaj salony Myńbaev kóshesindegi turǵyn úıdiń biriniń páterinde ornalasqan. Munda úsh adam jumys istegen.
«Múmkin ǵalamdyq pandemııa kezinde osyndaı áreketterdi jasaý úshin essiz bolý kerek shyǵar. Bul massajshylarǵa da, olardyń klıentterine de qatysty. Tipti dástúrli qyzmet kórsetý sektoryndaǵy jumysshylar karantındi qatań saqtaıdy, óıtkeni juqtyrý qaýpi joǵary. Al, bul jerde beıtanys adammen tyǵyz baılanysta bolý taǵdyrdy synaý sııaqty. Bul vırýsty juqtyrǵan adamdardyń statıstıkasyn kóbeıtýdiń eń tikeleı ádisi. Árıne, bul adamdar úshin eshqandaı aqtaý joq. «Massaj úıiniń» barlyq jumysshylary jáne olardyń klıentteri QR ÁQbK-niń 476-babyna sáıkes ákimshilik jaýapkershilikke tartyldy.Mundaı mekemelerdi anyqtaý jumystary karantın rejımi aıaqtalǵanǵa deıin qarqyndy túrde jalǵasady», – dep túsindirdi Almaty qalalyq PD bastyǵynyń orynbasary Berik Ábilbekov.
