Almatyda jasyryn jumys istegen onlaın-kazıno anyqtaldy
«QR UQK Almaty qalasy boıynsha departamenti Almaty qalasynda jasyryn elektrondy kazınolardyń zańsyz oıyn bıznesin uıymdastyrýmen aınalysqan qylmystyq top áreketiniń jolyn kesti. Jedel-izdestirý is-sharalaryn iske asyrý barysynda qala aýmaǵynda 10 mekemeden turatyn jasyryn onlaın-kazıno júıesiniń jumys isteıtini anyqtaldy», delingen habarlamada.
Sonymen, 2020 jylǵy 6 qazanda kórsetilgen zańsyz áreketterdiń jolyn kesý nátıjesinde jedel-tergeý toby bir ǵana jasyryn mekemeden
50-den astam oıyn jabdyǵyn tapty, qylmystyq áreketten alynǵan kiristiń somasy táýligine 20 mln teńgeden asqan.
«Qumar oıyndaryn uıymdastyrý jáne ótkizý úshin qylmystyq top zańsyz áreketke shamamen 50 adamdy qyzmet kórsetý personaly retinde tartqan.
Osy fakt boıynsha QR UQK Almaty qalasy boıynsha departamenti QR QK 307-babynyń 2-tarmaǵy boıynsha qylmystyq is qozǵady», delingen habarlamada.
