Almatyda «jasyleldikter» ardagerlerdiń erligin ardaqtaý maqsatynda eskertkishterdi tazalaý senbiligine shyqty

ALMATY. Mamyrdyń 3-i. QazAqparat /Názıra Eleýhan/ - Búgin Almatyda Uly Jeńistiń 65 jyldyq mereıtoıyna oraı, «jasyleldikter» QR Bilim jáne ǵylym mınıstrligi men Almaty qalalyq jastar saıasaty jónindegi basqarmanyń uıymdastyrýymen eskertkishterdi tazalaý senbiligine shyqty, dep habarlaıdy QazAqparat.

Senbilikke «Jasyl el» jasaqtary quramyndaǵy stýdentter, jastar uıymdarynyń belsendi músheleri qatysty. Olar 28 panfılovshylar saıabaǵyndaǵy eskertkishterdi tazalap, ardagerlermen kezdesý ótkizdi.

«Búgingi shara bir mezette tórt qalada - Astana, Almaty, Shymkent jáne Aqtóbe qalalarynda respýblıkalyq deńgeıde ótip jatyr. Saıabaq ishin, eskertkishterdi tazalaý sáýirdiń 10-nan bastalǵan bolatyn. Biz ár senbi saıyn senbilikke shyǵyp, osyndaı sharalar arqyly ardagerlerimizge degen óz qurmetimizdi kórsetkimiz keledi. Biz úshin tarıhymyzdy bilý mindet. Soǵys týraly ardagerlerimizdiń ózderinen estý biz úshin qyzyqty. Sondyqtan búgingi shara aldynda ardagerlermen kezdesý ótkizip, suhbat jasap, syı-qurmetimizdi kórsettik», dedi Almaty qalasynyń «Jasyl el» jastar jasaǵynyń jetekshisi Sáýlet Álimbetov.