Almatyda «Jasyl japyraq» atty aktsııa ótýde
ALMATY. 23 sáýir. QazAqparat /Ádilet Musahaev/ - Atalǵan sharaǵa qatysýshylar 500 túp tal kóshetterin otyrǵyzbaq.
Sharaǵa «Jasyl el» qoǵamdyq birlestiginiń belsendileri, bastamashyl toptar, JOO stýdentteri men qalanyń túrli mekemeleri men uıymdarynyń ókilderi qatysýda. Bul aktsııa 2010-2014 jyldarǵa arnalǵan «Jasyl damý» baǵdarlamasyn júzege asyrý aıasynda ótip otyr.
Almaty qalasy tabıǵı resýrstar men tabıǵatty paıdalanýshylardy retteý basqarmasy mamandarynyń aıtýynsha, otyrǵyzylǵan kóshetterdi baǵyp-kútý arnaıy daıyndalǵan uıymdarmen kúsheıtilmek. 2011 jyly Almatyda 27 myń túp tal otyrǵyzý josparlanǵan. Memlekettik satyp alý aıasynda bıýdjet qarjysyna 2011 jyly 20 491 túp tal otyrǵyzylady dep kútilýde. Jalpy 174,5 mln teńgege 2716 japyraqty, 1365 qylqan japyraqty jáne 16410 butalar otyrǵyzylmaq.
Jyl basynan beri qalada 4870 kóshet, olardyń basym bóligi Naýryz meıramy kezinde otyrǵyzylǵan. Tipten bir kúnniń ishinde 2624 japyraqty tal kóshetteri otyrǵyzylypty. Oǵan qalanyń 10 myńnan asa turǵyny qatysqan. Máselen, QR Tuńǵysh Prezıdenti saıabaǵyna 100 tıan-shan shyrshasy otyrǵyzylǵan.
