Almatyda «Jasyl aýla» naýqany bastalady
ALMATY. QazAqparat - Almatyda turǵyndarǵa tegin kóshet taratýdy kózdeıtin «Jasyl qala» naýqany bastalady. Bul týraly Almaty qalasynyń ákimdigi málimdedi, dep habarlaıdy QazAqparat tilshisi.
Ákimdikten habarlaǵandaı, kópqabatty úılerdiń aýlasy men qoǵamdyq keńistikterdi kógaldandyrýǵa nıetti árbir almatylyq shaǵan, úıeńki, shegirshin, terek, qaraǵan men qaıyńnyń kóshetterin tegin ala alady.
Naýqan qatysýshylary otyrǵyzylǵan taldardy aldaǵy úsh jyl boıy kútip-baptaý týraly kepildi mindettemege qol qoıatyndyǵyn eskergen jón. Qatysý úshin zeleniy_dvor_almaty@mail.ru elentrondy poshtasyna kelesi málimetterdi joldaý qajet:
1. Qatysýshynyń aty-jóni men telefon nómiri, tal otyrǵyzylatyn orynnyń naqty mekenjaıy;
2. Tal otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);
3. Suralyp otyrǵan kóshet túri men sany.
Ótinishter 9-18 naýryz aralyǵynda qabyldanady. Kóshetterdi Bostandyq aýdany, Tájibaev kóshesi, 155a ( «STAMP SERVICE» JShS bazasy) mekenjaıynan alyp ketýge bolady.
«Kelip túsken ótinishter 19-27 naýryz aralyǵynda qarastyrylyp, aǵash otyrǵyzý jumystaryn 28 naýryz ben 12 sáýir aralyǵynda júrgizý josparlanǵan. Sońynan joǵaryda kórsetilgen elektrondy mekenjaıǵa foto esep joldaý qajet. Kórsetilgen ýaqyttan keıin joldanǵan ótinishter qarastyrylmaıdy. Qosymsha aqparat alý úshin Jasyl qordy baqylaý bólimine kelesi nómirler boıynsha habarlasýǵa bolady: 272-54-89, 87479958147»,- dep málimdedi ákimdikte.
