Almatyda jastarǵa áskerı-patrıottyq tárbıe berý jobasy júzege asyrylady
ALMATY. QazAqparat - Bıyl Almatynyń stýdentter alıansy jastarǵa áskerı-patrıottyq tárbıe berý jobasyn iske asyrady. Bul týraly baspasóz máslıhaty barysynda joba úılestirýshisi Shyryn Tlenchıeva málim etti, dep habarlaıdy QazAqparat tilshisi.
Spıkerdiń sózinshe, 2022 jyly joba aıasynda áskerı-patrıottyq tárbıeni ilgeriletý bastamalaryna granttyq qarajat bólinetin bolady. Mundaı joba birneshe jyldan beri júzege asyrylyp keledi.
«Birqatar bastamalarǵa granttyq qarajat bólý alǵash ret qarastyrylyp otyr. Áskerı-patrıottyq klýbtar men uıymdar arasynda 10 shaǵyn grant oınatylady. Árqaısysynyń mólsheri 400 myń teńge. Bizdiń jobamyz áskerı-patrıottyq uıymdar men klýbtarǵa ádistemelik qoldaý kórsetedi, áskerı qyzmet pen patrıotızmniń bedelin kóterýge yqpal etedi. Belgili jattyqtyrýshylardyń qatysýymen birqatar is-sharalar, synyp-saǵattar, pikirtalas forýmdary, oıyndar men patrıottyq aktsııalar ótkizý josparda», - deıdi joba jetekshisi Shyryn Tlenchıeva.
Osylaısha, «Jastardy áskerı-patrıottyq baǵytta tárbıeleý sharalaryn iske asyrý» jobasy aıasynda áskerı-patrıottyq klýbtar men basqa da patrıottyq birlestikterge tartylatyn jastardyń úlesin 2022 jyldyń sońyna deıin 20%-ǵa arttyrý kózdelgen.
