Almatyda jastardyń jappaı tóbelesine qatysqan taǵy bes adam ustaldy
ALMATY. QazAqparat - Almatyda jastardyń jappaı tóbelesine qatysqan taǵy bes adam ustaldy, dep habarlaıdy QazAqpara tilshisi.
Almaty qalalyq polıtsııa departamentiniń málimetinshe, oqıǵany Medeý aýdandyq polıtsııa basqarmasynyń polıtsııa bólimi tergep jatyr.
«Derek QR QK-niń 293-baby boıynsha sotqa deıingi tergeýdiń biryńǵaı tiziliminde tirkeldi. Tóbeleske qatysqan bes adam ustaldy. Olardyń árqaısysynyń áreketine tergeý organdary quqyqtyq baǵa beretin bolady. Qaqtyǵystyń sebep-saldary jáne oǵan qatysty ózge de faktiler naqtylanyp jatyr», - dep habarlady polıtsııadan.
Eske salsaq, Almatyda jastardyń jappaı tóbeleskeni týraly vıdeo jelige taraǵan bolatyn. Janjal 30 qazan, tańǵy saǵat 9:00 shamasynda bolǵan.
