Almatyda jastardyń turǵyn úı baǵdarlamasyna qujat qabyldaý 18 mamyrda bastalady

ALMATY. QazAqparat - Bıyl «Almaty jastary» jobasy aıasynda qalanyń 1 myń turǵyny baspanaly bolady. Bul týraly shahar basshysy Erbolat Dosaev Áýezov aýdany turǵyndarymen kezdesý barysynda aıtty, dep habarlaıdy QazAqparat tilshisi.

Aıtýynsha, ótinim qabyldaý 18 mamyrdan bastap 1 maýsymǵa deıin jalǵasady.

«Bıyl Almatyda 1 myń jas otbasy baspanamen qamtamasyz etiledi. Olar – medıtsına qyzmetkerleri, oqytýshylar, JOO men ǴZI oqytýshylary men ǵylymı qyzmetkerleri, mádenıet jáne sport salasynyń qyzmetkerleri, jýrnalıster, jazýshylar, halyqty áleýmettik qorǵaý jáne quqyq qorǵaý organdarynyń mamandary», - deıdi Erbolat Dosaev.

Bul baǵdarlama arqyly úı satyp alý úshin 5%-ben 25 jylǵa 18 mln teńge nesıe beriletin bolady. Degenmen, bastapqy salym retinde úı alýshy 10% somasyn tóleýi qajet.

Aıta keteıik, 2020 jyly úı alýǵa beriletin qaryz 13 mln teńge edi. Byltyr nesıe kólemi 18 mln teńgege arttyryldy