Almatyda jastardyń 7-shi halyqaralyq munaıgaz forýmy bolady
ALMATY. Sáýirdiń 17-si. QazAqparat /Názıra Eleýhan/ - Almatyda sáýir aıynyń 17-i men 18-i aralyǵynda Q.Sátbaev atyndaǵy Qazaq Ulttyq tehnıkalyq ýnıversıtetinde 7-shi Halyqaralyq jastar munaıgaz forýmy ótedi. Bul týraly keshe Almatyda ótken arnaıy baspasóz máslıhatynda aıtyldy,
dep habarlaıdy QazAqparat.
Atalmysh shara Q.Sátbaev atyndaǵy Qazaq Ulttyq tehnıkalyq ýnıversıteti janyndaǵy Halyqaralyq ınjener-munaıshylar qoǵamynyń uıymdastyrýymen ótpek. Forýmnyń maqsaty - stýdentterdiń munaı-gaz ónerkásibindegi ǵylymı-tehnıkalyq sheshimderin kórsetý, jas mamandardyń biliktiligi men kóshbasshylyq qabiletin arttyrý jáne óz isiniń kásipqoı sheberleri men bolashaq mamandar arasyndaǵy ashyq suhbat uıymdastyrý.
Atalmysh ýnıversıtet janyndaǵy ınjener-munaıshylar qoǵamynyń prezıdenti Sanjar Muqanovtyń aıtýynsha, Jastar munaıgaz forýmy halyqaralyq deńgeıde tanylyp úlgergen. "Forým TMD elderi munaıgaz sektory men stýdentterdi ǵana emes, AQSh, Qytaı, Reseıdiń iri kompanııa ókilderi men JOO-nyń stýdentteriniń qyzyǵýshylyǵyn týdyrýda. Bul forým - munaı -gaz ındýstrııasyna úles qosý úshin, jańalyq engizýge, tájirıbe almasýǵa jáne yqylastyq atmosfera úshin qolaıly jaǵdaı. Sonymen qatar, bul shara - barlyq qatysýshylar arasynda ashyq suhbat júrgizý úshin platforma bolyp tabylady", dedi Sanjar Muqanov.
Forým aıasynda jobalardyń tanystyrylymy, geologııa, barlaý, óndirý boıynsha stýdenttik ǵylymı-praktıkalyq konferentsııa, «Oil Games» zııatkerlik oıyny, "dóńgelek ústel" otyrysy, sonymen qatar kásibı mamandardyń trenıngteri men semınarlary ótedi.
Jylsaıynǵy munaıgaz forýmyna «BG Kazakhstan», «Chevron», «Maerskoil», «Tengızshevroıl», «Karachaganak Petroleum Operating» iri munaı kompanııalary, servısti «Schlumberger», «Baker Hughes» ı «Halliburton» kompanııalary qoldaý kórsetip otyrady. Bıyl da olar atalmysh sharanyń qoldaýshylary bolmaq.
