Almatyda Jastar jyly qorytyndylandy
2019 jyly qalada 100-den astam sporttyq, mádenı jáne tanymdyq shara ótti. Oǵan 120 myńnan astam jas qatysty. 15 myńǵa jýyq azamat jumyspen qamtyldy. Bul týraly Almaty ákiminiń orynbasary Erjan Babaqumarov «Jastar jylyn» qorytyndylaýǵa arnalǵan forýmda aıtty, dep habarlaıdy QazAqparat tilshisi.
Jastar forýmyna qatysqan qala ákiminiń orynbasary Erjan Babaqumarov eldiń eń belsendi jáne qoǵamnyń qozǵaýshy kúshi jastar ekendigin atap ótti.
«Almaty - jastar qalasy. Búginde megapolıste 700 myńǵa jýyq jas bar. ıAǵnı árbir úshinshi turǵyn - jas. Onyń 233 myńy - stýdent. Olar 39 ýnıversıtet pen 80 kolledjde bilim alyp jatyr. Sapaly bilim – bolashaqtyń kepili. Dostar, elimizdiń bolashaǵy sizdiń bilimińizge, kúsh-jigerińizge jáne patrıotızmge tikeleı baılanysty», - dedi quttyqtaý sózinde qala ákiminiń orynbasary Erjan Babaqumarov.
Qala ákimdigi jastarǵa erekshe kóńil bóledi. Qoljetimdi jáne sapaly bilim, jumys, turǵyn úı jáne jas otbasylardy qoldaý sııaqty praktıkalyq máseleler sheshilýde. Qazaqstannyń Tuńǵysh Prezıdenti - Elbasy Nursultan Nazarbaevtyń tapsyrmalaryn oryndaý aıasynda jumys isteıtin jastarǵa 249 páterdiń kilti tabystaldy.
2019 jyly Almatyda 100-den astam sporttyq, mádenı jáne tanymdyq shara ótti. Oǵan 120 myńnan astam jastar qatysty. Al, qaladaǵy eń iri shara Shymbulaqta birinshi Ortalyq Azııa jastar festıvaliniń ótýi boldy. Oǵan 6 memlekettiń jastary qatysqan edi. Sonymen qatar «QS World Wide – 2019» kórmesi men halyqaralyq konferentsııany atap ótýge bolady. Osynyń bári Almatynyń belsendi ári talantty jastarynyń arqasynda júzege asty.
Forým aıasynda belsendi qala jastary marapattaldy. Olardyń arasynda jas kásipkerler, ǵalymdar, rejısserler, akterler, sýretshiler, ýnıversıtet oqytýshylary, jastar qozǵalysynyń jetekshileri bar.
