Almatyda «Jastar kózqarasy» atty respýblıkalyq jastar forýmy ótti
ALMATY. Qyrkúıektiń 27-si. QazAqparat /Ádilet Musahaev/ - Almatyda qyrkúıektiń 25-de «Baýyrjan» qaıyrymdylyq qory Almaty qalasy ákimdiginiń uıymdastyrýymen ál-Farabı atyndaǵy QazUÝ-de «Jastar kózqarasy» atty respýblıkalyq jastar forýmyn ótkizdi.
Atalmysh forým negizgi eki bólikten turdy. Alǵashqysy, elimizdiń kóptegen jetistikke qol jetkizgen jas saıasatkerleri men kásipkerleriniń tabys jolynyń formýlasyna arnalǵan dárister bolsa, ekinshisi jastardyń tańdamaly baıandamalaryn tyńdaý men jeńimpazdardy marapattaýǵa arnaldy.
Forýmnyń maqsaty - qazirgi jastardyń ózekti máseleleri jaıynda pikir talas ótkizip, taldaý jasaý. Sonymen qatar jastardyń shyǵarmashylyǵyn damytý, qoǵamdyq belsendilikterin arttyra otyryp mańyzdy máselelerdi sheshýge tartý deıdi uıymdastyrýshylar.
Astandan arnaıy kelgen Májilis depýtaty Baqyt Syzdyqova, «Astana Group» kompanııasynyń basshysy Nurlan Smaǵulov, Nur Otan HDP, Jas Otan JQ-nyń atqarýshy hatshysy Nurlan Óteshov stýdenttermen suhbattasyp, jetistikke jetý joldary jaıynda keńes berip, óz tájirıbelerimen bólisti.
Sondaı-aq shara barysynda jastar arasyndaǵy ózekti máseleler jaıynda baıandamalar oqylyp, jan-jaqty talqylandy. Sonymen birge sapaly baıandama oqyp, belsendilik tanytqan jastar baǵaly syılyqtarmen marapattaldy.
«Jastar kózqarasy» atty respýblıkalyq jastar forýmy jastardy kóshbasshylyqqa jetýde partıottyq sezimdi nyǵaıtyp, adaldyq pen meıirimdilik qasıetterin meńgerýge baǵyttaıdy. Bul forým arqashanda adamgershilik turǵysynan oılap, jaqynyńa qol ushyn sozý, bıik maqsattardy oılaı bilý sııaqty jaqsy adamı qasıetterdi jastar boıyna sińirýimen qundy", deıdi QazUÝ-dyń "Jeti mýza" qoǵamynyń jetekshisi Sandýǵash Qartaeva.
