Almatyda «Jastar ǵylymda - 2010» ІІІ Halyqaralyq forýmy ótip jatyr
/strong>Mamyrdyń 14-i. QazAqparat / Ádilet Musahaev / - Búgin Almatyda QR Tuńǵysh Prezıdenti qorynyń uıymdastyrýymen «Jastar ǵylymda - 2010» ІІІ Halyqaralyq forýmy óz jumysyn bastady,
dep habarlaıdy QazAqparat.
Atalmysh Qordyń dırektory mindetin atqarýshy Bektas Muhamedjanovtyń aıtýynsha, forým aıasynda birneshe sharalar daıyndalǵan. «Jas ǵalymdardyń jetistikteriniń kórmesi uıymdastyrylyp, oǵan 26 joǵary oqý oryndarynan ártúrli saladaǵy 62 ǵylymı jumys kelip tústi, sonyń ishinde kóptegen jumystar aýyl sharýashylyǵy salasyn qamtıdy. Qazirgi ýaqytta Ekibastuz energostansysynda kómirden energııa alý tıimdiligin kóteretin jańadan jasalǵan jylytý bólshegi sııaqty jas ǵalymdardyń 3-4 ǵylymı jumysy óndiriske engizilip otyr. Búgingi kórmeni qorytyndylaý kezinde laıyqty degen 2-3 jumysqa 1 mıllıon teńgedeı grant bólip, onyń óndiriske enýine kómektesemiz dep oılaımyn», deıdi B.Muhamedjanov.
Forým aıasynda Nurlan Temirbekov, Roza Qonaeva, Tóregeldi Sharmanov syndy belgili ǵalymdardyń dáristeri tyńdalyp, jas ǵalymdardyń ǵylymı-tájirıbelik konferentsııasy ótti. Sondaı-aq jas ǵalymdarǵa eńbekterin óndiriske qalaı engizip, qarjy tabý múmkindigi bar ekendigin nusqaıtyn jáne sheteldik ǵalymdarmen baılanys jasaýdyń joldaryn kórsetetin sheberlik synyptar ótkizý josparlanýda.
Sonymen qatar, stýdentterdiń ǵylymı jumystaryna konkýrs uıymdastyrylǵan, onyń nátıjesinde elimizdiń JOO-nyń 16 stýdenti ǵylymı jetistigi úshin marapattaldy.
