Almatyda jasóspirimdi qaǵyp ketken júrgizýshi oqıǵa ornynan izin sýytty
ALMATY. QazAqparat - Almatylyq polıtseıler kólikpen balany qaǵyp ketken júrgizýshini izdeýde, dep habarlady «QazAqparat» HAA tilshisi.
Qalanyń ІІD jergilikti polıtsııa qyzmetiniń derekterine sáıkes apat keshe, 22 aqpanda keshki 7-00-der shamasynda oryn alǵan. Júrgizýshisi (qoshqyl-qońyr tústi 626 úlgisindegi «Mazda» markaly kólik bolýy múmkin) Táýelsizdik kóshesi boıynda kele jatyp, №185 mektepke qarsy jolda 8 jasar qyzdy basyp ketti. Jasóspirim alǵan jaraqattyń saldarynan kóz jumdy, júrgizýshi oqıǵa ornynan qashyp ketti.
«Qyzdyń janynda anasy bolǵan. Áıel kólik markasy men nómirin este saqtaı almaǵan. Sotaldy tergeý júrip jatyr. Jedel izdeý sharasyn bizdiń bólimshe qyzmetkerleri júrgizýde», - dep habarlady ІІD jergilikti polıtsııa qyzmeti izdestirý bóliminiń bastyǵy, polıtsııa podpolkovnıgi Erik Nasyrbekov.
Polıtsııa apatty kýágerleri bolǵan jaǵdaıda myna telefondarǵa habarlasýyn suraıdy 8-707-222-88-87 jáne 8-707-599-09-11.
