Almatyda jasóspirimderge baqylaý kúsheıtildi
ALMATY. Maýsymnyń 17-si. QazAqparat /Erbol Azanbek/- Almatyda ótip jatqan «Mekteppen qoshtasý keshi» respýblıkalyq jedel-saýyqtyrý sharasy barysynda jastarǵa baqylaý sharasy kúsheıtildi,
dep habarlaıdy qalalyq Іshki ister departamenti.
Atalǵan sharanyń maqsaty maýsymnyń 19-y kúni ótetin «Jas túlek 2010» aktsııasy qarsańynda jasóspirimder arasyndaǵy qylmystyń aldyn alý.
«Shara barysynda jasóspirimderdiń arasyndaǵy toptyq janjaldardy anyqtaýǵa, esirtki men alkogol ónimderin tutynatyn jasóspirimderdi, qoǵamǵa qarsy áreketter jasaýǵa shaqyratyndardy, jasóspirimderge alkogol, temeki ónimderin satatyndardy anyqtaýǵa arnalǵan reıdter júrgiziledi», deıdi Almaty qalalyq ІІD-niń qoǵamdyq qaýipsizdik basqarmasy bastyǵynyń orynbasary, polıtsııa polkovnıgi Aıgúl Shópshekbaeva.
Onyń sózine qaraǵanda, sharanyń alǵashqy 2 kúninde ІІD-ne 236 quqyq buzýshy jetkizilgen. 32 jaǵdaıy nashar januıa anyqtalyp, 30 jasóspirim arnaıy esepke alynǵan. Bunymen qatar 11 ata-ana balalaryna durys tárbıe bermegeni úshin ákimshilik jaýapkershilikke tartylǵan. Bunymen qatar 3 ata-ana men 3 zańdy tulǵa jasóspirimderdi túngi oıyn-saýyq ornyna jibergeni úshin, 2 azamat jasóspirimderdi araq ónimderin tutynýǵa ıtermelegeni úshin ákimshilik jaýapkershilikke tartylǵan. Qalalyq jasóspirimderdi ýaqytsha oqshaýlaý, saýyqtyrý ortalyǵyna 27 bala túsken.
