Almatyda jasóspirimderdiń VI spartakıadasy bastaldy
ALMATY. Mamyrdyń 28-i. QazAqparat /Erbol Turymbetov/ - Búgin Almatydaǵy «Dınamo» stadıonynda «Jastar men jasóspirimder esirtkige qarsy» degen uranmen jasóspirimderdiń VI spartakıadasy óz jalaýyn kóterdi,
dep habarlaıdy QazAqparat.
Ony qalalyq jastar saıasaty basqarmasy men Jastar saıasatyn damytý memlekettik qory «Aýla klýbtary» qoǵamdyq birlestigimen birlesip uıymdastyrdy. Halyqaralyq esirtki men esirtki bıznesine qarsy kúres kúnine oraılastyrylǵan bul sharanyń maqsaty - jastar men jasóspirimder arasynda salaýatty ómir saltyn qalyptastyryp, sporttyń ulttyq jáne buqaralyq túrlerin nasıhattaý.
«Elbasy salaýatty ómir salty men adamnyń óz densaýlyǵy úshin yntymaqty jaýapkershilik qaǵıdaty - densaýlyq salasyndaǵy jáne halyqtyń kúndelikti turmysyndaǵy memlekettik saıasattyń eń basty máselesi bolýy tıis degen edi. Búgingi shara óskeleń urpaq úshin salaýatty ómir saltyn nasıhattaýǵa baǵyttalyp otyr», deıdi Almaty qalasy Jastar saıasaty basqarmasynyń bastyǵy Baqtııar Máken. Onyń aıtýynsha, jyl saıyn ótetin dástúrli bul spartakıada bıyl maýsymnyń 26-syna deıin sozylmaq.
