Almatyda jasóspirimderdiń velosıpedterin urlap júrgen alaıaq ustaldy

"Ol 27 jastaǵy Berik Baımuhammetov esimdi jigit bolyp shyqty. Ol jasóspirimderdiń kóp shoǵyrlanatyn jerlerine baryp, ózin velosport boıynsha jattyqtyrýshymyn dep tanystyrǵan. Balalarǵa "temir tulparlaryńdy" tekserip kóreıin dep aıdap qashyp ketip júrgen, sóıtip, qylmysyn osylaısha, qorqytý, úrkitýsiz kúndiz júzege asyrǵan. Bizge shilde aıynyń basynan aldanyp qalǵan balalardyń ata-analarynan aryzdar kelip túse bastady. Aldymen biz buǵan deıin isti bolǵan adamdardy tekserip shyqtyq. Sonyń nátıjesinde bul qylmyskerdi tez anyqtap, onyń Shyǵys Qazaqstan oblysyndaǵy túrmeden qashyp ketkendigin bildik. Ol onda qaraqshylyq shabýyl jasaǵandyǵy úshin otyrǵan", - dedi Bostandyq aýdanynyń ІІD basqarmasy bastyǵynyń orynbasary, polıtsııa polkovnıgi Shámil Shúkebasov.

Onyń aıtýynsha, qazirgi ýaqytta onyń osy syndy 12 qylmystyq iske qatysy bary dáleldengen. "Biz BAQ arqyly ol jigitten zardap shekkenderdi tapqymyz keledi.. Óıtkeni, qylmysker qalada odan da kóp alaıaqtyq jasaǵandyǵyn aıtyp otyr. Buǵan deıin polıtsııaǵa shaǵym jasamaǵandar myna telefondarǵa habarlasa alady: 254-47-01 jáne 254-47-02", - dedi polkovnık Shámil Chýkýbasov.

Polıtsııada Berik Baımuhammetovtyń alaıaqtyq, qaraqshylyq shabýylmen qatar, tonaýshylyqpen aınalysqany da belgili boldy.