Almatyda jasóspirimderdiń minez-qulqynyń ózgerýin talqylaýǵa arnalǵan respýblıkalyq ǵylymı konferetsııa bolady
ALMATY. 24 mamyr. QazAqparat - Almatyda 25 mamyrda «Jetkinshektik jáne jasóspirimdik shaqtaǵy aýtodestrýktıvti minez-qulyq: preventıvti túzetý joldary men bolashaǵy» degen taqyrypta respýblıkalyq ǵylymı-tájirıbelik konferentsııa ótedi.
Ony Abaı atyndaǵy Qazaq ulttyq pedagogıkalyq ýnıversıtetiniń Pedagogıka jáne psıhologııa fakýlteti uıymdastyryp otyr. Konferentsııa jumysy úsh sektsııa boıynsha ótedi. Onda myna máseleler talqyǵa túspek: jas jetkinshekterdiń aýtodestrýktıvti minez-qulqyn zertteýdiń ádisnamalyq negizderi men psıhofızıologııalyq erekshelikteri, minez-qulyqtyń buzylýynyń áleýmettik-mádenı jáne etnopsıhologııalyq aspektileri, bilim berý ortalyqtarynda sýıtsıdtik minez-qulyqty psıhologııalyq-pedagogıkalyq turǵyda aldyn-alý, bilim berý uıymdarynda ýrgentti psıhologııalyq kómek berýdi uıymdastyrý, psıhologııalyq qyzmetti jetildirý.
ıÝNISEF-tiń jyl saıynǵy zerteýine qaraǵanda Qazaqstan Ortalyq Azııada jasóspirimderdiń sýnıtsıdi boıynsha alǵashqy lekte kele jatyr. Máselen 15-19 jastaǵy qyzdar arasynda birinshi orynda tur. Balalar psıhology Margarıta Óskembaevanyń aıtýynsha, balalar sýnıtsıdi ulttyq qaýipsizdikke qater tóndirerlik deńgeıde. Daǵdarystyq ortalyqtar odaǵynyń málimetine qaraǵanda, 2011 jyly «150» telefon nómirine jasóspirmderdiń ózine-ózi qol jumsaý máselesi boınysha 10 qońyraý kelip túsken bolatyn. Bıyl alǵashqy 2 aıda onyń sany 4-ke jetip otyr.
