Almatyda jasóspirimderdi tonaǵan jalǵan polıtseıler ustaldy
ALMATY. QazAqparat – Almatyda jalǵyz júrgen jastardy tonaǵan jalǵan polıtseıler anyqtaldy, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, úsh adamnan turatyn qylmystyq top Baým toǵaıynda qolǵa tústi. Olar sol jerde kúni boıy qylmystyq áreket jasap kelgen.
«Kúdiktiler jalǵyz júrgen jasósipirimderge «ózin polıtsııa qyzmetkerimiz» dep tanystyrǵan, olarda polıtseıdiń nysandy kıimi men qyzmettik kýálik bolmasa da, jasóspirimderden uıaly telefon men basqa da gadjetin alyp ketip otyrǵan. Qazir kúdiktiler ustalyp, qamaýǵa alyndy. Olardyń bizdiń aýdanda ǵana osyǵan uqsas ondaǵan epızodqa qatysy bar ekendigi anyqtaldy», – dedi Túrksib aýdandyq Polıtsııa basqarmasynyń bastyǵy Erkin Amantaev.
Sonymen qatar, ol osy qylmystyq toptyń qurbany bolǵan qala turǵyndaryna polıtsııaǵa habarlasýǵa shaqyrdy.
