Almatyda jasóspirimderdi tonaǵan urylar ustaldy

ALMATY. QazAqparat – Polıtseıler balalardy tonap ketken urylardy izin sýypaı ustady, dep habarlaıdy QazAqparat tilshisi.

Oqıǵa 9 mamyr kúni Baým toǵaıynda boldy.

«15 jastaǵy eki jasóspirim velosıped teýip júrgen. Eki er adam olardyń aldynan shyǵyp, jolyn kesip, velosıpedterin tartyp alǵan. Jasóspirimder saspaı, birden aınalasyndaǵylardan polıtsııaǵa habarlasýdy suraǵan. Birneshe mınýttan keıin polıtsııa patrýli oqıǵa ornyna keldi», - deıdi jábirlenýshilerdiń ápkesi.

Urylar jasóspirimderdiń eki velosıpedin, eki telefonyn alyp ketken. Keltirilgen shyǵyn mólsheri 400 myń teńge.

Atalǵan derek QRQK 191-baby 2-bólimi boıynsha sotqa deıingi tergeýdiń biryńǵaı tiziliminde tirkeldi.

«Túrkistan oblysynyń 22 jastaǵy jáne Almaty oblysynyń 28 jastaǵy turǵyny ustaldy. Ekeýi de buǵan deıin osyndaı qylmys jasaǵany úshin sottalǵan. Urlanǵan zattar ıelerine qaıtaryldy», - dedi Túrksib aýdany polıtsııa basqarmasynyń basshysy Erkin Amantaev.