Almatyda jasóspirimder qylmysy 18 paıyzǵa azaıdy - ІІD
Almaty qalasynyń jańadan qurylǵan Jergilikti polıtsııa qyzmetiniń basty mindetteriniń biri - kámelet jasqa tolmaǵandar arasynda quqyq buzýshylyq áreketterdiń aldyn alý. Bul úshin turaqty túrde jasóspirimderdiń ata-analarymen jınalystar ótkizilip turady.
«Taıaý kúni Almaty q. ІІD Jergilikti polıtsııa qyzmetiniń ıÝvenaldy polıtsııa bóliminiń qyzmetkerleri Almaly aýdanynda ornalasqan №58-shi jalpy bilim beretin mektepte ata-analar jınalysyn ótkizdi. Oǵan pedagogtar da qatysty. Kezdesý barysynda ata-analar Jergilikti polıtsııa qyzmetiniń negizgi mindetteri jáne jasóspirimder arasyndaǵy qylmystyq ahýalmen tanysty. 2015 jyldyń qorytyndysy boıynsha Almatyda qoldanylǵan sharalardyń arqasynda jasóspirimder qylmysy 18 paıyzǵa azaıdy.
Jınalysta ata-analardyń suraqtaryna jaýap berildi. Sondaı-aq, ata-analarǵa ákimshilik jáne qylmystyq zańnamalardyń normalary, bala oqytý men tárbıeleýdegi jaýapkershilikteri túsindirildi. Bul jerde aıta ketetin jáıt, balalardy kózden tasa qylýǵa bolmaıdy. Olardyń oqýyna, tárbıesine kóp kóńil bólý qajet. Kámeletke tolmaǵan jasóspirimder oqýdan bos ýaqyttarynda bosqa sendelip júrmeýleri kerek. Eger olar ózderine unaıtyn ispen aınalyssa, qandaı da bir kásipti meńgerýge umtylsa, quqyq buzýshylyq áreketterge barmasy anyq. Sondyqtan, biz turaqty túrde ata-analar men jasóspirimder arasynda túsindirý jumystaryn júrgizip turamyz. Qazir biz jergilikti memlekettik organdar, úkimettik emes uıymdar jáne ІІB múddeli qyzmetterimen birge jasóspirimder arasynda quqyq buzýshylyq áreketterdiń aldyn alýǵa baǵyttalǵan túrli sharalardy júzege asyryp jatyrmyz», - dedi Almaty q. ІІD Jergilikti polıtsııa qyzmeti ıývenaldy polıtsııa bóliminiń bastyǵy, polıtsııa podpolkovnıgi Leıla Álipbaeva.
