Almatyda jasóspirimder arasynda tennısten Qazaqstan birinshiligi ótedi
NUR-SULTAN. QazAqparat – Almatyda 28 naýryz – 2 sáýir aralyǵynda jasóspirimder arasynda tennısten Qazaqstan birinshiligi ótedi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, «Eıs» tennıs ortalyǵynda ótetin dodaǵa elimiz óńirlerinen 100-deı sportshy qatysady.
Jekeleı synda negizgi dodaǵa qyzdar men uldar arasynda 24 oıynshydan birden ótedi. Іrikteý saıysynan ótkender tórt joldamaǵa ıe bolady. Oǵan qosa uıymdastyrýshylar tarapynan arnaıy shaqyrtý (wild card) alǵandar baq synaıdy.
Juptyq synda negizgi jarysqa 13 jup birden ótse, taǵy úsh dýet arnaıy shaqyrtýmen qatysady.
«Tennıs federatsııasy el aýmaǵyndaǵy eń bedeldi týrnırlerdiń biri bolǵandyqtan, jasóspirimder dodasyna erekshe mán berip otyr. Altyn júlde ıegerleri QR sport sheberligine úmitker ataǵyna ıe bolady. Sonymen qatar úzdik shyqqandar Shymkentte sáýirde ótetin ITF World Tennis Tour M15 jáne W15 jarystaryna arnaıy shaqyrtý alady», dedi Qazaqstan tennıs federatsııasynyń atqarýshy dırektory Deıv Maılı.
Jasóspirimder birinshiligi barlyq sanıtarlyq-epıdemıologııalyq talaptar saqtala otyryp, kórermendersiz ótedi. Eń qyzyqty matchtar www.ktf.kz saıtynda tikeleı efırde kórsetiledi.
Eske sala keteıik, budan buryn A.Býblıktiń ATP chempıondyq kestesinde 9-orynǵa kóterilgenin, M.Kýkýshkınniń Dýbaı týrnıriniń ekinshi aınalymyna shyǵa almaǵanyn jazǵan bolatynbyz.
