Almatyda jasóspirimder arasynda shaıbaly hokkeıden jarys ótip jatyr
ALMATY. QazAqparat - Almatydaǵy «Halyq Arena» muz saraıynda Qazaqstan Táýelsizdiginiń 25 jyldyǵyna oraılastyrylǵan jasóspirimder arasyndaǵy shaıbaly hokkeıden jarystyń úshinshi kúni ótti.
Keshe muz saraıda «Barys 1999» - «Astana 2000», «Torpedo» - «Ertis» jáne «ıÝnost» - «Barys2001» komandalary taǵy da baq synasty.
Jarys kúniniń qorytyndysy boıynsha «Barys 1999» komandasynyń mereıi ústem bolyp, 7:1 esebimen «Astana 2000» hokkeı klýbyn jeńdi. Al «Ertis» komandasy «Torpedo» hokkeıshilerinen 5:4 esebimen basym túsken bolsa, «Barys 2001» oıynshylary «ıÝnost» komandasynan 0:2 esebimen jeńilis tapty.
Búgin «ıÝnost» komandasy «Torpedo» klýbymen, «Ertis» hokkeıshileri «Astana 2000» komandasymen, al «Barys 2001» hokkeı klýby «Barys 1999» komandasymen saıysqa tústi.
Esterińizge salyp ótelik, jarys 2017 jyly Almaty qalasynda ótkiziletin 28-shi Dúnıejúzilik qysqy ýnıversıada qarsańynda testilik saıystar retinde uıymdastyrylyp otyr.
18 jeltoqsanǵa deıin jalǵasatyn bul saıystarǵa Qazaqstannyń túrli aımaqtarynan 6 jasóspirimder komandasy, atap aıtqanda, «Torpedo Óskemen 99-00», «Ertis 1999-2000», «Astana-2000», «Unist (Qaraǵandy)», «Barys 1999» jáne «Barys 2001» komandalary qatysýda.
Jarys ótkizilip otyrǵan «Halyq Arena» muz saraıy - 2017 jylǵy Dúnıejúzilik qysqy ýnıversıadanyń sport nysandarynyń biri. Muz saraıy 300 kórermendi syıdyra alatyn kópatqarymdyq ámbebap muz alańynan jáne 300 orynǵa shaqtalǵan shaǵyn alańnan turady. Ýnıversıada kezinde osy muz saraıynda erler arasyndaǵy shaıbaly hokkeıden jarystar ótkizilmek.
