Almatyda jasóspirimder arasynda shaǵyn fýtboldan jarys ótýde
ALMATY. Shildeniń 16-sy. QazAqparat /Erbol Turymbetov/ - Búgin Almatydaǵy «Tselınnyı» gúlzarynda «Sport nashaqorlyqqa qarsy» degen atpen jasóspirimder arasynda shaǵyn fýtboldan jarys ótip jatyr.
Sport básekesin Almaly aýdany ákimdigi uıymdastyryp otyr. Oǵan «Appel Sun» aqparat agenttigi men №2 «Caspian Beverage Holding» syra zaýyty qoldaý kórsetti. Sharanyń negizgi maqsaty - jasóspirimder arasynda salaýatty ómir saltyn nasıhattaý, balalardy sportpen aınalysýǵa yntalandyrý. Jarysqa Almaly aýdanynyń aýla balalarynan quralǵan 6 komanda qatysýda.
«Bul báseke nashaqorlyq pen esirtki bıznesine qarsy baǵdarlama aıasynda uıymdastyrylyp otyr. Elbasymyz aıtqandaı, halyqtyń 30 paıyzynyń sportpen turaqty shuǵyldanýyna yqpal jasaýymyz kerek. Sol sebepti de osyndaı sharalardy ótkizý búgingi kúni úlken mańyzǵa ıe bolýda», deıdi Almaly aýdany ákimdiginiń mádenıet jáne tilderdi damytý bóliminiń bastyǵy Lázzat Mámedova.
Onyń aıtýynsha, buǵan deıin mundaı saıys ótken jumada «Gandı» gúlzarynda ótkizilgen. Uıymdastyrýshylardyń sózine qaraǵanda, mundaı sharalar endi jaz boıy ár juma saıyn ótkizilip turady dep josparlanýda.
