Almatyda jasóspirimder arasynda mánerlep syrǵanaýdan aımaqaralyq jarystar aıaqtaldy
ALMATY. 14 qarasha. QazAqparat /Názıra Eleýhan/ - Almatydaǵy «Mega Ice» muz aıdynynda jasóspirimder arasynda konkımen mánerlep syrǵanaýdan «Mega Ice» klýbtarynyń ІІ-shi aımaqaralyq jarystary aıaqtaldy.
Osymen ekinshi ret ótkizilgen saıysqa Almaty, Aqtóbe, Shymkent jáne Aqtaý qalalarynyń 80-ge jýyq jas mánerlep syrǵanaýshylary qatysty.
Jarysqa qatysýshylar jalǵyz mánerlep syrǵanaýdan synǵa tústi. Sporttyq doda halyqaralyq konkımen júgirýshiler odaǵy (ISÝ) jáne QR konkımen júgirýshiler federatsııasynyń bekitilgen erejesi boıynsha ótkizildi.
Jeńimpazdar A,V jáne S toby boıynsha anyqtaldy.
A toby boıynsha І júldeli oryndardy Aqtóbe qalasynyń jetkinshikteri ıelense, V toby boıynsha Aqtaý qalasynyń jasóspirimderi sheberlik kórsetti, al, S toby boıynsha almatylyq mánerlep syrǵanaýshylar úzdik óner kórsetip, І oryndardy jeńip aldy.
