Almatyda jasóspirimder arasynda qyzylshamen aýyratyndar sany artqan
Almaty qalasynyń sanıtarııalyq-epıdemıologııalyq baqylaý departamenti málim etkendeı, sońǵy eki jylda (2021, 2022 jj.) Almaty qalasy boıynsha qyzylsha men qyzamyqtyń zerthanalyq rastalǵan jaǵdaılary tirkelmegen. Alaıda, kóshi-qon faktory (basqa elderden halyqtyń kóship kelýi, qazaqstandyqtardyń basqa elderge ketýi) Almatydaǵy epıdemıologııalyq jaǵdaıǵa áser etip otyr.
«Syrqattanýshylyq negizinen qyzylshaǵa qarsy egilmegen balalar arasynda, onyń ishinde vaktsınalaýdan bas tartý, medıtsınalyq qarsy kórsetilimniń bolýy, ıaǵnı, egý jasyna 12-15 aıǵa jetpegendikten tirkeldi. Aýyrǵandardyń 44,4%-y (zerthanalyq rastalǵan jaǵdaı) qyzylshamen aýyratyn naýqaspen baılanysta bolǵanyn, sondaı-aq, ınkýbatsııalyq kezeńde Qazaqstannan tys jerde bolǵandaryn aıtty. Naýqastardyń qurylymy boıynsha 44,4% - uıymdaspaǵan balalar, 22,2% – mektepke deıingi mekemelerge baratyn uıymdasqan balalar, 22,2% – mektep oqýshylary, 5,6% – bilim berý ortalyqtaryna baratyn balalar», - dep habarlady departamentten.
Qyzmet mamandary medıtsınalyq uıymdarmen birlesip barlyq oshaqtarda epıdemııaǵa qarsy is-sharalar júrgizdi. Naýqaspen baılanysqa túsken barlyǵy 813 adam anyqtaldy, onyń ishinde 477 eresek, 14 jasqa deıingi 333 bala, 3 jasóspirim bar. 63 adam qyzylshaǵa qarsy vaktsınalanbaǵan. Qalǵandar qyzylshamen aýyratyn naýqaspen baılanysta bolǵan sátten bastap 72 saǵat ótken soń jáne jasy 30 jastan asqandyqtan medıtsınalyq qarsy kórsetilim boıynsha shuǵyl vaktsınalaýǵa jatpaıdy. Barlyq baılanysqa túskender medıtsınalyq baqylaýǵa alynyp, qyzylshanyń aldyn alý sharalary týraly túsindirý jumystary júrgizildi.
Aıta keteıik, qyzylsha – bul aýa-tamshyly ınfektsııalar tobyna jatatyn jedel juqpaly vırýstyq aýrý. Aýrý adamnan adamǵa aýa arqyly, tynys alý joldarynyń tamshylarymen nemese aýrý juqtyrǵan adamnyń murny nemese tamaq bólinisinen juǵady.
Qyzylsha – eń juqpaly ınfektsııanyń biri, sebebi, aýyratyn adammen baılanysqa túsken soń ekpe almaǵan adamdardyń 90% - dan astamy aýyrady.
Almaty qalasynyń sanıtarııalyq-epıdemıologııalyq baqylaý departamenti qyzylshany juqtyrýdan, sondaı-aq, olardyń asqynýynan saqtanýdyń jalǵyz joly - vaktsına alý ekendigin eske saldy.
Eske salaıyq, almatylyq epıdemıologtar qazaqstandyqtarǵa bul vırýstyq ınfektsııanyń qaýiptiligin eskertken bolaty.n
https://kaz.inform.kz/news/kazakstandyktarga-kyzylsha-dertin-zhuktyru-kaupi-bar-ekeni-eskertildi_a4038464
Sondaı-aq, álem boıynsha byltyr 150 myńnan astam adam qyzylsha juqtyrǵan bolatyn
https://kaz.inform.kz/news/alemde-byltyr-150-mynnan-astam-adam-kyzylsha-zhuktyrgan_a4042562.