Almatyda jasóspirimder arasynda konkımen mánerlep syrǵanaýdan birinshilik bastaldy
ALMATY. 24 aqpan. QazAqparat /Názıra Eleýhan/ - Búgin Almatyda jasóspirimder arasynda konkımen mánerlep syrǵanaýdan Mega Ice klýbynyń alǵashqy birinshiligi bastaldy.
Oǵan Aqtaý, Almaty, Aqtóbe, qalalarynyń, sonymen qatar Tashkentten kelgen 65-ten asa jas sportshylar qatysýda.
«Mega Ice klýby jarysty birinshi ret ótkizip otyr. Birinshilikke klýbtyń basqa qalalardaǵy músheleri qatysýda. Olardyń qatarynda kásipqoı jáne áýesqoı sportshylar bar. «Bul sharany ótkizýdegi maqsatymyz - salaýatty ómir saltyn nasıhattaý, elimizde konkımen mánerlep syrǵanaý sportyn damytý, jasóspirimderdi sportqa baýlý bolyp tabylady. Biz bul básekeni ótkize otyryp, klýbtyń eń myqty sportshysyn anyqtamaqpyz. Jarys úsh kún ótedi, onda 5-ten 12 jasqa deıingi sportshylar jeńis úshin kúresetin bolady»,-deıdi jarystyń bas qazysy, jeke syrǵanaýdan QR chempıony Nadejda Paretskaıa.
