Almatyda jasóspirimder arasynda fýtboldan aýdan ákiminiń kýbogy úshin týrnır ótti
ALMATY. Maýsymnyń 25-i. QazAqparat /Erbol Turymbetov/ - Búgin Almatyda fýtboldan jalpy bilim beretin mektep oqýshylary arasynda ótip jatqan «Túrksib aýdany ákiminiń kýbogy» týrnıri óz máresine jetti,
dep habarlaıdy QazAqparat.
«Tsesna» sport klýbynda bolǵan bul shara dástúrli túrde jyl saıyn ótedi. Bıyl da qolǵa alynǵan atalmysh jarystyń ótýine Túrksib aýdandyq ákimdigi muryndyq boldy. Salaýatty ómir saltyn qalyptastyrý maqsatyn kózdeıtin sport dodasy bıyl Astana kúnine jáne 7-shi qysqy Azııa oıyndaryn nasıhattaýǵa arnalyp otyr. Maýsymnyń 21-i kúni bastalǵan jarysqa Túrksib aýdandyq №84, №85, №44 jáne №74-shi mektepterdiń 5-6-shy synyp oqýshylarynan quralǵan komandalar qatysty. Tartysty básekede №85-shi mektep oqýshylary top jardy.
Búgingi jabylý saltanatynda sóz sóılegen Túrksib aýdanynyń ákimi Vladımır Ýstıýgov jarysqa qatysýshylardy quttyqtap, jeńimpaz komandaǵa kýbokty taby etti. Sonymen qatar, úzdik qorǵaýshy, úzdik jartylaı qorǵaýshy, úzdik shabýylshy jáne úzdik qaqpashy atanǵan oıynshylarǵa baǵaly syılyqtar tapsyryldy. Sharany uıymdastyrýshylardyń aıtýynsha, bul dástúrli báseke keler jyly da jalǵasyn tabady.
