Almatyda jasóspirim adam óltirdi degen kúdikke ilikti
ALMATY. QazAqparat - Almatyda adam óltirdi degen kúdikpen 15 jastaǵy jasóspirim ustaldy, dep habarlaıdy QazAqparat tilshisi.
Oqıǵa 2019 jyly 30 jeltoqsan kúni keshki saǵat 17:10-18:00-der aralyǵynda 6-shaǵyn aýdandaǵy №3 úıdiń janynda bolǵan.
Ákesiniń ólimi týraly almatylyq Rýslan Aqmaev Facebook-tegi paraqshasynda jazdy. Sondaı-aq ol oqıǵa kýágeri bolǵan « GAZel» avtokóliginiń júrgizýshisin izdeıdi.
Qalalyq polıtsııa departamentiniń málimetinshe, 15 jastaǵy kúdiktiniń tergeý ızolıatoryna qamalǵan.
«Adam óltirý faktisi boıynsha sotqa deıingi tergeý bastaldy. QR QK-niń 99-baby boıynsha kúdikti ýaqytsha ustaý ızolıatoryna qamaldy. Kámeletke tolmaǵandar úshin kólik quralyn júrgizý faktisi boıynsha jeke ákimshilik is qozǵaldy», - dep habarlady Almaty polıtsııa departamentiniń baspasóz qyzmeti.
