Almatyda jas jup esirtkini jasyryp jatqan jerinen ustaldy

ALMATY. QazAqparat - Almatyda jas jup esirtkini jasyryp jatqan jerinen ustaldy, dep habarlaıdy QazAqparat tilshisi.

Qalalyq Polıtsııa departamentiniń málimetinshe, 24 jastaǵy K. esimdi azamat pen onyń 20 jastaǵy serigi Prıkanalnaıa kóshesinde jedel qyzmetkerlerdiń kózine tústi.

«Jastardyń is-qımyly kúdikti bolyp kórindi. Bir qaraǵanda, olar qarańǵyda birdeńe izdegendeı boldy. Biraq is júzinde olar kerisinshe, tutynýshymen aldyn ala kelisilgen jerge «jyldamdyq» esirtkisin jasyrǵan. Jeke tintý kezinde olardan zattaı 15 býma tabyldy jáne tárkilendi, zattyń shyǵý tegi sot-hımııalyq saraptamasymen anyqtalady», – dedi Almaty qalalyq Polıtsııa departamentiniń esirtki qylmysyna qarsy kúres basqarmasynyń bastyǵy Erlan Almaǵambetov.

Bul fakti boıynsha tergeýdi Alataý aýdandyq polıtsııa basqarmasy júrgizip jatyr. QR QK-niń 296-baby 4-bóligimen qylmystyq is qozǵaldy