Almatyda jas jigitti soqqyǵa jyqqan adam ustaldy
ALMATY. QazAqparat - Almatyda jas jigitti soqqyǵa jyqqan er adam ustaldy, dep habarlaıdy QazAqparat tilshisi.
Almaty qalalyq polıtsııa departamentinde oqıǵa 5 jeltoqsanda Aqbulaq yqshamaýdanynda bolǵanyn eske saldy.
«Kóliktiń turaq orny úshin týyndaǵan eregiste 39 jastaǵy jergilikti turǵyn qarsylasyna aýyr dene jaraqattaryn saldy. Oqıǵa QR QK-niń 106-baby boıynsha sotqa deıingi tergep-tekserýdiń biryńǵaı tizilimine tirkeldi. Qylmysty ashý, onyń mán-jaıyn anyqtaý jáne kinálini jaýapqa tartý maqsatynda Alataý aýdandyq PB janyndaǵy polıtsııa bóliminde arnaıy jedel tergeý toby quryldy», - dedi Alataý aýdandyq polıtsııa basqarmasynyń bastyǵy polıtsııa polkovnıgi Іlııas Ómirserikov.
Kúdikti anyqtalyp, ustaldy. Ol 1982 jyly týǵan P. esimdi azamat. Er adam qamaýǵa alyndy. Tergeý jalǵasýda.
Buǵan deıin zardap shekken jigittiń týystary tóbeles kýágerlerin izdep jatqany týraly jazǵan bolatynbyz. Sondaı-aq, oqıǵanyń vıdeosy áleýmettik jelide jarııalandy.
