Almatyda jas jigitter zeınetkerdi soqqyǵa jyǵyp, telefonyn tartyp alyp ketken
ALMATY. QazAqparat - Almatyda zeınetkerdi soqqyǵa jyǵyp, telefonyn tartyp alǵandar ustaldy, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Tańǵy 3:30 shamasynda 19 jáne 20 jastaǵy jigitter qart kisiniń tý syrtynan kelip, jambasqa alyp urǵan. Jalma-jan qolyndaǵy telefonyn tartyp alyp tura qashqan.
Jerge qulaǵan zeınetkerdiń qos tizesi birdeı synyp ketken. Japa shekken zeınetker aýrýhanada 1 aptadaı komada jatty.
«Jedel izdestirý sharalary barysynda kúdiktiler kóp uzamaı ustaldy. Olar kelesi kúni telefondy 7 myń teńgege satyp jibergen. Qazir atalǵan derek boıynsha QR QK 192-babymen sotqa deıingi tergeý jumystary júrip jatyr. Kúdiktiler kinálaryn moıyndady. Olardyń biri buryn urlyq úshin isti bolǵan", - dedi Almaly aýdandyq ІІB basshysy Danııar Mendebaev.
