Almatyda jas jigitten 20 oram psıhotroptyq zat tárkilendi

ALMATY. QazAqparat- Almaty turǵynynan psıhotroptyq zat salynǵan 20 býma tárkilendi, dep habarlaıdy QazAqparat tilshisi.

Kúdiktini polıtsııa qyzmetkerleri Almaty qalasy Medeý aýdanynyń jeke sektorynda ustady.

« Bul – 19 jastaǵy K. esimdi azamat. Tergeý-jedel toby jeke tintý kezinde shalbarynyń qaltasynan ashyq-jasyl tústi 20 oram tapty. Zattaı aıǵaqtar saraptamaǵa jiberildi», - dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.

Kúdiktiniń aıtýynsha, ol az ýaqyttan beri esirtki qoıýshy retinde jumys isteıdi. Tapsyrysty jáne qoıyp ketetin oryndardyń mekenjaıyn ınternet qosymshasy arqyly alady, al, «atqarǵan jumysy» úshin aqshalaı syıaqyny krıptovalıýtamen alyp otyrǵan.

«Qylmystyq is sotqa deıingi tergeýdiń biryńǵaı tizilimine QR QK-niń 296-baby 2-bóligimen tirkeldi»,- deıdi Erlan Álmaǵambetov.

Foto: polisia.kz