Almatyda jas jigit beıtanys adamdarǵa pyshaqpen shabýyldady, bir adam mert boldy

ALMATY. QazAqparat - Almatyda 20 jastaǵy jigit ótip bara jatqan eki adamǵa sebepsiz shabýyl jasaǵan. Saldarynan bir adam kóz jumdy, dep habarlaıdy QazAqparat tilshisi.

«Alǵashqy tergeý barysynda jedel top qyzmetkerleri qylmystyń kýágerin tapty. Ol - qaıtys bolǵan adamnyń dosy. Er adamnyń aıtýynsha, olarǵa dalada qolynda eki pyshaǵy bar belgisiz bireý shabýyl jasaǵan. Sarapshylar kóz jumǵan adamnyń denesinde 10-ǵa jýyq pyshaq jaraqaty baryn anyqtady. Kýágerdiń de denesinde ómirine qaýip tóndirmeıtin birneshe jaraqat bolǵan», - dep habarlady Almaty qalalyq polıtsııa departamentiniń baspasóz qyzmeti.

Polıtseıler kúdiktini «izin sýytpaı» ustady.

Ol - 20 jastaǵy jergilikti turǵyn, tájirıbeli toksıkoman bolyp shyqty.

Kúdiktiniń aıtýynsha, esirtkiden keıin qatty gallıýtsınatsııa paıda bolǵan. Sóıtip, aldynan shyqqan eki adamǵa pyshaq suqqan.

Ustalǵan jas jigittiń buryn kisi tonaý men urlyq úshin sottalǵany belgili boldy.

Atalǵan fakt QR Qylmystyq kodeksiniń 99-baby boıynsha tirkeldi.