Almatyda «Jas túlek - 2010» mektep bitirýshiler festıvali ótti
; ALMATY. Maýsymnyń 21-i. QazAqparat /Názıra Eleýhan/- Almatyda demalys kúni «Jas túlek - 2010» mektep bitirýshiler festıvali ótti. Saltanatty sharaǵa Almaty qalasynyń ákimi Ahmetjan Esimov pen Bilim jáne ǵylym mınıstri Janseıit Túımebaev qatysty,
dep habarlaıdy QazAqparat.
QR Bilim jáne ǵylym mınıstri men qala ákimi saltanatty túrde qalanyń eń úzdik túlekterine erekshe bilim attestaty men «Altyn belgi» medalin tapsyrdy.
«Ústimizdegi jyly qalanyń 9295 túlegi UBT tapsyrdy, olardyń 142-si «Altyn belgi» ıegeri atandy, 167 mektep bitirýshi úzdik orta bilim attestattaryn aldy», dep atap ótti qala ákimi Ahmetjan Esimov saltanatty sharada. Sol kúni, sondaı-aq, 18 mektep bitirýshi Almaty qalasy ákiminiń joǵary oqý ornynda bilim alýǵa múmkindik beretin granttarǵa ıe boldy.
Qurmetti qonaqtar men qala ákimi mektep bitirýshi túlekterdi merekelerimen quttyqtap, olarǵa tabys tiledi.
«Búgin sizderdiń aldylaryńyzda úlken ómir joly ashylady. Men sizderge jetistikke aparatyn joldaryńyzdy taýyp, ózderińizdi tanytýlaryńyzǵa tilek bildiremin», - dedi Ahmetjan Esimov túlekterdi quttyqtaý sózinde.
Festıval aıasynda alǵashqy ret ár salada tabysqa jetken oqýshylarǵa «Týǵan tiliniń juldyzy», «Shabyt juldyzy», «Sport juldyzy», «Ǵylym juldyzy», «Ádebıet juldyzy», «Tulpar» atalymdary boıynsha arnaıy marapattar tabystaldy.
