Almatyda jas sýretshilerdiń jańajyldyq kórmesi ashylady
ALMATY. 20 jeltoqsan. QazAqparat /Názıra Eleýhan/ - Almatyda jeltoqsannyń 22-i kúni Qazaqstan Sýretshiler odaǵy galereıasynda jańajyldyq "Vielleicht" dep atalatyn kórme ashylady.
Qazaqstan Sýretshiler odaǵy galereıasy men "Ular" art-agenttiginiń uıymdastyrýymen ótetin kórmege jas sýretshiler - Dana Aǵaleýova men Vasılıı Dergachevtiń keskindeme, grafıka, fotosýret, qýyrshaq isi tehnıkalarymen daıyndalǵan týyndylary, sondaı-aq, Jańa jyl merekesine arnaıy daıyndalǵan art-syılyqtar qoıylady. Kelýshiler qazaqstandyq jas sýretshilerdiń óner týyndylaryn tamashalap qana qoımaı, syılyqtardy satyp ala alady. Ónersúıer qaýym nazaryna sondaı-aq, jas mýzykalyq toptardyń kontserti usynylady.
Uıymdastyrýshylardyń aıtýynsha, "Vielleicht" kórmesi - bul barlyq qazaqstandyq ónersúıer qaýymynyń quttyqtaýy bolyp tabylady.
Kórmege kirý tegin.
