Almatyda jas sýretshi Roman Kýznetsovtyń «Barlyǵyn bilgim keledi» atty jeke kórmesi ótýde
ALMATY. 29 shilde. QazAqparat /Ádilet Musahaev/ - Búgin Almatydaǵy ortalyq kórme zalynda jas sýretshi Roman Kýznetsovtiń «Barlyǵyn bilgim keledi» atty jeke kórmesi ashyldy.
R.Kýznetsov 2001 jyly 14 qarashada Qyzyljar qalasynda (Petropavlovsk) ómirge kelgen jáne sondaǵy № 2 jalpy bilim beretin mektebinde bilim alýda.
Romannyń sýretke degen beıimdiligi balalyq shaǵynda belgili bolǵan eken. Jas talant ıesine bos ýaqyt bólip, onyń darynyn damytýǵa múmkinshiliktiń bolmaýy otbasyndaǵy basty másele bolǵan.
Balanyń ónertapqyshtyq shyǵarmashylyqqa qyzyǵýshylyǵyn Soıýz TMA-14 Halyqaralyq ushý ekıpajyna ǵaryshtyq emblema qurastyrý baıqaýyna qatysyp, sátti óner kórsetýi yntalandyra túsken. Reseıǵarysh federaldyq agentiginen jas sýretshi tórttik jeńimpaz qatarynan tabyldy degen jańalyq barlyǵyn tańdandyryp tastady. Marapat esebinde ol 2009 jyldyń 22 naýryzyndaǵy "Baıqońyrdan" ushyrylatyn ǵaryshtyq kemeniń ushyrylý sátin tamashalaýǵa shaqyrylǵan.
Roman tek maqtaý qaǵazyn alyp qana qoımaı, estelik syılyqtar men ekıpaj músheleriniń jeke qoly qoıylǵan fotosýretter alǵanyn maqtan tutady.
Jas sýretshi kóptegen halyqaralyq jáne respýblıkalyq kórmelerdiń qatysýshysy, sondyqtan 20-dan astam túrli marapat pen maqtaý qaǵazdaryna ıe.
Atalǵan kórme 11 tamyzǵa deıin jalǵasady.
