Almatyda jas sýretshi Radına Batpenovanyń alǵashqy jeke kórmesi ashyldy

Kórmeniń ataýy belgili bir ıdeıany bildiretin áreket, metafora degen maǵynany bildiredi. Onyń astarynda sýretshiniń ómirlik jáne kásibı qalyptasýynyń mańyzdy kezeńderi jasyrylǵan.

Kórme Qazaqstan Respýblıkasy Tuńǵysh Prezıdenti Qorynyń qarjylaı qoldaý kórsetýimen ashylyp otyr.

Kórmege jas talantty sýretshiniń 60-tan astam týyndylary - natıýrmorttar, portretter, peızaj sýretteri qoıylǵan.

Kelýshiler nazaryna qazirgi zamanǵy jas áıeldiń qozǵalys pen qamqorlyqqa, tebireniske, sonymen birge arman men úmitke, mýzykaǵa toly álemi usynyldy. Kórkem shyǵarma keıipkeri óz týyndylarymen kúndelikti tirshilik qamynan ózge eń bastysy - ana bolý baqytyn, shyǵarmashylyq shattyǵyn, ómirdiń mánin sezinip úlgeretindigin jetkizedi. Ónertanýshylardyń aıtýynsha, onyń sýretteri erekshe kúshke ıe - eleýli, aıqyn da, qaıtalanbas.

Kórme qazirgi zamanǵy adamdardy tolǵandyratyn, tańdandyratyn, qýantyp, qobaljytatyn jáıtterdiń bárin beıneleıdi.