Almatyda jas sýretshi Aıjan Sársenbaevanyń jeke kórmesi ashyldy

Kórmege sýretshi salǵan Elbasy Nursultan Nazarbaevtyń portreti, táýelsizdigimizdiń nyshany - «Altyn adam» beınesi, «Qar barysy» jáne taǵy basqa taqyryptyq shyǵarmalary men týǵan ólkeniń ásem kórinisteri, Qazaqstan jaıly jumystary qoıylǵan.

Atalǵan kórme óz shyǵarmashylyq jolyna endi ǵana aıaq basqan talantty sýretshini qoldaý men jas avtorlardyń týyndysyna jurtshylyqtyń nazaryn aýdartyp, jas talanttardy qoldaý arqyly elimizdiń mádenı áleýetin saqtap, odan ári damytý úshin jaǵdaı týdyrý maqsatynda jasalyp otyr.

Shara Almaty qalasy Jastar saıasatyn damytý memlekettik qory, "Artek" jarnama agenttigi men "Kórkemóner kórmeleriniń jáne aýktsıondary dırektsııasynyń" qoldaýymen uıymdastyrylyp otyr.