Almatyda jas sýretshi Asqar Esdáýlettiń jeke kórmesi ashyldy
ALMATY. 28 jeltoqsan. QazAqparat /Názıra Eleýhan/ - Almatyda Ortalyq kórme zalynda jas sýretshi, «Tarlan» syılyǵynyń laýreaty, «Jiger» respýblıkalyq festıvaliniń dıplomanty Asqar Esdáýlettiń jeke kórmesi ashyldy.
Kórmege sýretshiniń júzdegen keskindemelik, grafıkalyq jáne músindik týyndylary qoıylǵan.
Klassıkalyq kórkemsýret bilimin alyp, Eýropada tájirıbe jınaǵan Asqar Esdáýlet búginde halyqtyq kórkemsýret óneri túrin eýropalyq modernızmmen ushtastyrýda. Óz keskindeme jáne músin týyndylaryn jasaý barysynda árqashan standartty emes kompozıtsııalyq tásilderdi qoldanýmen erekshelenip keledi. Onyń shyǵarmalarynda ulttyq naqyshtylyq birden baıqalady. «Ár adam óz tarıhyn bilip, ótkenge qurmetpen qaraýy qajet. Men ózimdi halyqtyń, onyń tarıhynyń bir bólshegi retinde sezinemin. Meni óz elimniń, halqymnyń ejelgi jáne búgingi mádenıeti qyzyqtyrady. Ár týyndymdy búkil kúsh-jigerimdi jumsap jasadym», - deıdi jas sýretshi.
Qylqalam sheberi ulttyq naqyshtaǵy, «qazaq áni men mýzyka úni» seziletin týyndylar ónersúıer qaýym júregine jetedi degen úmitte.
Kórme jumysy 16 qańtarǵa deıin jalǵasady.
