Almatyda jas sarbazdar ant qabyldady

ALMATY. QazAqparat – Tótenshe jaǵdaılar mınıstrliginiń dańqty qolbasshy B. Momyshuly atyndaǵy 28237 áskerı bóliminde jas tolyqtyrylym sarbazdary saltanatty túrde Áskerı ant qabyldady, dep habarlaıdy QazAqparat.

Áskerı ant mátinde zor maǵyna jatyr. Bul týraly ózderiniń quttyqtaý sózderinde áskerı bólim komandıri, podpolkovnık Baǵlan Kenbeılov, Almaty oblystyq Tótenshe jaǵdaılar departamenti bastyǵynyń orynbasary, polkovnık Danııar Qasymov, Jambyl aýdanynyń ákimi Nurlan Ertas, Almaty qalalyq Tótenshe jaǵdaılar departamenti azamattyq qorǵanys basqarmasynyń bastyǵy, maıor Anýar ıÝsýpov, Jambyl aýdandyq Qorǵanys isteri jónindegi bóliminiń bastyǵy, maıor Ernest Janbolatov, Jambyl aýdandyq Tótenshe jaǵdaılar bóliminiń bastyǵy azamattyq qorǵaý maıory Ersin Jagıparov jáne ardagerler, qurmetti qonaqtar men jas sarbazdardyń ata-analary da aıtyp ótti.

Jas sarbazdar áskerı daıyndyqtyń birinshi kezeńin aıaqtady, aldaǵy ýaqytta olar áskerı qyzmettiń sheberligi men qutqarý daıyndyqtaryn meńgerip, saptyq jáne dene daıyndyǵyn jalǵastyrady.

Ant qabyldap, naǵyz sarbaz atanǵan jas jaýyngerler aldaǵy ýaqytta respýblıka kóleminde azamattyq qorǵanys salasyndaǵy tótenshe jaǵdaılardyń saldaryn joıý jáne apat bolǵan jerlerde qutqarý jumystaryn júrgizý boıynsha túrli mindetterdi oryndaıdy.

Sonymen qatar, shara barysynda Jambyl aýdanynyń ákimi Nurlan Ertas Abaı oblysyndaǵy alapat órttiń saldaryn joıýǵa qatysqan aýdandyq tótenshe jaǵdaılar bóliminiń órt sóndirýshileri men bólimniń jaýyngerlerine alǵysyn bildirip, Alǵys hattarmen marapattady.