Almatyda jas otbasylarǵa arnalǵan senim kabınetteri ashyldy
ALMATY. QazAqparat – Almatyda Otbasy kúnin merekeleý qarsańynda qıyn jaǵdaıda qalǵan jas otbasylarǵa arnalǵan senim kabınetteri ashyldy, dep habarlaıdy QazAqparat tilshisi.
Jobanyń negizgi maqsaty – otbasy ınstıtýtyn nyǵaıtý jáne megapolıstegi turmystyq zorlyq-zombylyqtyń aldyn alý.
«Senim kabınetteriniń ashylý saltanatyna qala ákimdigi, sot ókilderi jáne qala jastary qatysty. Senim kabınetteri sanıtarlyq-epıdemıologııalyq normalardy qatań saqtaı otyryp, face to face formatynda jáne onlaın-rejıminde jumys isteıdi. Alǵashqy kúni-aq tórt otbasylyq jup senim kabınetterinde qajetti keńes aldy»,– dep habarlady qalalyq ákimdikten.
Jas jubaılar munda joǵary bilikti psıhologtardan tegin keńes pen psıhologııalyq qoldaý ala alady.
Psıhologtar jastar men stýdentterge «Turmystyq zorlyq-zombylyqtyń aldyn alý» jáne «Otbasylyq qatynastardyń ártúrli aspektileri» sııaqty taqyryptar boıynsha kezdesýler, semınar-trenıngter men dárister ótkizedi.
Jas otbasylar myna mekenjaılar boıynsha ornalasqan 5 senim kabınetine júgine alady:
- Tóle bı kóshesi, 30, 23 qabat, № 27 bólme +7 775 071 44 51;
- Naýryzbaı batyr kóshesi, 58, 3 qabat, № 63 bólme +7 707 157 74 64;
- Jandosov kóshesi, 58, 4 qabat, № 409 bólme +7 777 823 09 50;
- Markov kóshesi, 34, 1 qabat, № 101 bólme +7 775 606 45 67;
- Geologtar kóshesi, 2, 32 qabat, № 6 bólme +7 702 480 11 11.
Kelýshiler joǵaryda kórsetilgen telefondarǵa qońyraý shala alady nemese psıhologqa otbasy.almaty2020@gmail.com. elektrondy poshtasy arqyly suraqtar qoıa alady.
