Almatyda jas muǵalimderge 19 myń teńgege jýyq ústemaqy qosylady
ALMATY. QazAqparat - Almatyda jas muǵalimderge 19 myń teńgege jýyq ústemaqy qosylady. Bul týraly Almaty qalasy Bilim basqarmasynyń basshysy Gúlnar Qojabergenova aıtty, dep habarlaıdy QazAqparat tilshisi.
Búgin Óńirlik kommýnıkatsııalar qyzmetinde ótken baspasóz máslıhatynda basqarma basshysy sanaty men eńbek ótili joq jas muǵalimderge 18 696 teńge ústemaqy qosylatynynaıtty.
«Pedagogtyń mártebesin kóterý erekshe nazarǵa alyndy. Elbasynyń halyqqa Joldaýynda atap kórsetilgendeı, jańa mazmundy bilim berý júıesine ótken muǵalimderdiń jalaqysy 30% ósedi. Sanaty men eńbek ótili joq jas muǵalimderge 18 696 teńge, joǵary sanatty muǵalimderge 27myńnan asa teńge ústemaqy qosylady», - dedi ol.
Sonymen qatar, basqarma basshysy orta bilim berý deńgeıinde jańartylǵan mazmundy bilim berýge kezeńdep ótý 2020 jyly aıaqtalatynyn aıtty.
«Osy rette jańartylǵan mazmundy bilim berýge 2016 jyly 1-inshi synyptar, 2017 jyly 2, 5, 7-inshi synyptar ótti. 2018 jyly kezeńdep ótý 3, 6, 8-inshi synyptarda jalǵasyn tabýda. 2019 jyly, 9, 10-ynshy synyptar, 2020 jyly 11-inshi synyptar ótedi», - dedi ol.
