Almatyda jas menedjerler mektebi ashyldy

Mektep basshysy Úmitaı Ánesovanyń aıtýynsha, bul jobany «Táýelsiz basylymdar redaktorlarynyń qaýymdastyǵy» qoǵamdyq birlestigi «Arys» qorymen birlesip qolǵa alyp otyr.

«Bizdiń elimizde menedjment salasy áli de bolsa aqsańdap jatyr. Jurttyń kópshiligi menedjerdiń qyzmetin jetkilikti túrde túsine bermeıdi. Bizdiń mekteptiń maqsaty - jastardy jýrnalıstıka, baspa, jarnama isi salasyndaǵy menedjmentke naqty is júzinde baýlý, gazet-jornal, baspa, jarnama bıznesine úıretý. Negizinen, biz qazaq tilindegi basylymdardy osy ózimiz tárbıeleıtin jas menedjerlerdiń jańa tolqynynyń kúshimen kótergimiz keledi», dedi jańa uıymnyń jetekshisi Ú. Ánesova. Onyń aıtýynsha, jańa ashylǵan jas menedjerler mektebi tek gazet-jornal, baspa, jarnama bıznesimen shektelip qalmaı, elimizdiń bolashaǵy úshin qyzmet etetin basqa salalardy da, atap aıtqanda, mádenı salany da qamtıtyn bolady.