Almatyda jas qyzǵa tıispek bolǵan kúdikti ustaldy

ALMATY. QazAqparat - Almatyda kóshe ortasynda jas qyzǵa tıispek bolǵan kúdikti ustaldy, dep habarlaıdy QazAqparat tilshisi.

Almaly aýdanynda turǵyndar jas qyzǵa tıispek bolǵan er adamdy ustap aldy. Bolǵan oqıǵanyń vıdeosy jelige shyqty.

«Almaly aýdanynda turǵyndar qyzdyń aıqaılaǵan daýysyn estigeni týraly aqparat tústi. Oqıǵa ornyna jetken turǵyndar vıdeodaǵy er adamnyń tez kıinip, qashyp ketýge tyrysqanyn kórdi», - delinedi vıdeodaǵy jazbada.

Polıtsııada atalǵan derek Almaly aýdandyq polıtsııa basqarmasyna qarasty polıtsııa bólimimen tirkelip, tergeý bastalǵanyn habarlady.

«Aıyptalýshy jaýapqa tartyldy. Basqa da mán-jaılar anyqtalýda», - dep jazdy qalalyq polıtsııa departamentiniń baspasóz qyzmeti.