Almatyda jas qyz kópqabatty turǵyn úıden sekirip ketti

ALMATY. QazAqparat - Almatyda jas qyz kóp qabatty turǵyn úıdiń 12 qabatynan sekirip ketti, dep habarlaıdy QazAqparat tilshisi.

Qaıǵyly oqıǵa týraly aqparat áleýmettik jelide jarııalandy. Kýágerlerdiń aıtýynsha, oqıǵa Aqsaı 1A aýdanyndaǵy 8-úıde.

Almaty qalalyq polıtsııa departamentiniń málimdeýinshe, atalǵan fakti M.Áýezov aýdandyq polıtsııa basqarmasynda QR Qylmystyq kodeksiniń 105-baby boıynsha tirkelgen.

Qazir tıisti saraptamalar taǵaıyndaldy. Oqıǵanyń mán-jaıy men sebepteri anyqtalyp jatyr.

Eske salsaq, 2 jeltoqsanda Almatyda jasóspirim qyz óz-ózine qol jumsap, 12-qabattan sekirgen edi.

B uǵan deıin «Jetisý» yqsham aýdanynda kópqabatty úılerdiń birinde áıel aldymen úsh balasyn laqtyryp, keıin ózi 9-qabattan sekirip ketken bolatyn. Áıel men eki balasy oqıǵa ornynda kóz jumsa, taǵy bir bala jedel járdem kóliginde qaıtys bolǵan.