Almatyda jas kelinshek úsh balasynyń kóz aldynda asylyp qaldy
«Mamyr» shaǵynaýdanynda ózine qol jumsaǵan áıel týraly qoǵam belsendisi Jibek Ámenova áleýmettik jelide habarlady.
Jazba avtorynyń aıtýynsha, bul jaǵdaı jan-jaqty tergelýi tıis, óıtkeni jas áıeldiń sharasyzdyqtan balalaryn tastap, ómirin úzýine qandaı da bir sebep bolýy kerek.
Kórshileri marqumnyń birneshe ret turmystyq zorlyq-zombylyqqa ushyraǵanyn jetkizgen.
Almaty polıtsııasy bul derek QR Qylmystyq kodeksiniń 105-baby «Ózin-ózi óltirýge deıin jetkizý» boıynsha sotaldy tergeýdiń biryńǵaı tizilimine tirkelgenin málimdedi.
«Áýezov aýdandyq polıtsııa basqarmasyna qarasty polıtsııa bóliminiń qyzmetkerleri 1994 jyly týǵan B-nyń óliminiń sebepteri men mán-jaıyn anyqtaýǵa baǵyttalǵan keshendi jedel-izdestirý sharalaryn júrgizip jatyr. Qylmystyq is boıynsha QR QPK-niń 201-babyna sáıkes ózge aqparat tergeý múddesine oraı jarııalanbaıdy», - dep habarlady vedomstvodan.
